អំពីកាណាឌីយ៉ា

ប្រវត្តិរបស់ធនាគារកាណាឌីយ៉ា

ធនាគារកាណាឌីយ៉ា ត្រូវបានបង្កើតឡើងនូវថ្ងៃទី១១ ខែវិច្ឆិកា ឆ្នាំ១៩៩១ ដែលមានឈ្មោះថា "Canadia Gold & Trust Corporation Ltd." ដោយមានការចូលរួមរវាងភាគីកម្ពុជានិងកាណាដា និង ធនាគារជាតិនៃកម្ពុជា។ រចនាសម្ព័ន្ធគ្រប់គ្រងរបស់ធនាគារ គឺមានការចូលរួមពីបុគ្គលិកជំនាញៗពីធនាគារជាតិនៃកម្ពុជា និងម្ចាស់ភាគ ហ៊ុនទាំងសងខាងៈ កម្ពុជា កាណាដា។

គោលដៅសំខាន់ៗរបស់ធនាគារកាណាឌីយ៉ាគឺសំដៅទៅលើប្រតិបត្តិការមាស ដូចជាការផលិតមាស និងផ្តល់ កំចីដល់ពាណិជ្ជករទាំងឡាយ។ នៅថ្ងៃ១៩ មេសា ១៩៩៣ ធនាគារត្រូវបានប្តូរទៅជាធនាគារកាណាឌីយ៉ា ដោយទទួលបានសិទ្ធជាធនាគារពាណិជ្ជកម្ម ពីធនាគារជាតិកម្ពុជា និងត្រូវបានចុះក្នុងបញ្ជីក្រសួងពាណិជ្ជកម្ម។ រហូតមកដល់ថ្ងៃទី១៦ ធ្នូ ២០០៣ ធនាគារត្រូវបានទទួលស្គាល់សារជាថ្មីថា ធនាគារកាណាឌីយ៉ា ក.អ។

ចាប់តាំងពីឆ្នាំ១៩៩៨ ធនាគារបានក្លាយជាធនាគារក្នុងស្រុកដ៏ធំជាងគេ ជាមួយបណ្តាញដ៏ធំជាងគេទូទាំងពិភព លោក ហើយមានការទទួលស្គាល់យ៉ាងមុតមាំពីសំណាក់ប្រជាជនក្នុងស្រុកក៏ដូចជាក្រៅប្រទេស។ ធនាគារ ផ្តោតទៅលើទីផ្សារភាគហ៊ុនក្នុងការផ្តល់ប្រាក់កំចី ក៏ដូចជាការទទួលប្រាក់បញ្ញើរ។ ធនាគារផ្តល់ជូននូវសេវាកម្ម ហិរញ្ញវត្ថុនៅទីស្នាក់ការកណ្តាលនិងគ្រប់២៣សាខាក្នុងទីក្រុងភ្នំពេញនិងបណ្តាលខេត្តផ្សេងៗទៀតក្នុងប្រទេស កម្ពុជា។ នៅចុងឆ្នាំ២០០៨នេះ ធនាគារមានគំរោងពង្រីកសាខារហូតដល់២៨។

គោលដៅរបស់ធនាគារកាណាឌីយ៉ា

គោលដៅរបស់ធនាគារគឺធ្វើយ៉ាងណាអោយក្លាយទៅជាធនាគារនាំមុខគេក្នុងវិស័យហិរញ្ញវត្ថុរបស់កម្ពុជា។

ដើម្បីសំរេចបានគោលដៅនេះ ធនាគារបានបន្តពង្រីកបន្ថែមនូវសេវាកម្មផ្នែកអតិថិជន ដោយបង្ហាញបន្ថែមនូវ ផលិតផលថ្មីៗ ក៏ដូចជាការបង្កើតអោយមាននូវផលិតផលហិរញ្ញវត្ថុ និងសេវាកម្ម ដើម្បីផ្តល់ជូនតាមនូវតំរូវការ របស់អតិថិជន។

ដោយមានការចូលរួមពីធនាគារជាតិ និងម្ចាស់ផ្តល់ជំនួយផ្សេងទៀត សំណង់អាគារនិងធនធានមនុស្ស ត្រូវ បានពង្រឹងនិងបង្កើនបន្ថែម ដើម្បីទទួលនិងឈានអោយដល់ស្តង់ដារអន្តរជាតិ។